Ozarbayjon Qorabog‘dagi ba’zi hududlar egallanganini e’lon qildi
Ozarbayjon Mudofaa vazirligi Qorabog‘dagi jangovar hududda Armaniston qurolli kuchlariga og‘ir zarbalar berilganini ma’lum qildi.
Vazirlik o‘zining Telegram-kanalida e’lon qilingan videokadrlarni dalil sifatida keltirgan.
Yakshanba kuni tushdan keyin Ozarbayjon prezidenti Ilhom Aliyev Qorabog‘dagi Shusha shahri qo‘lga kiritilganini e’lon qildi.
Armaniston mudofaa vazirligi vakili Ozarbayjon prezidentining bayonotlarini sharhlar ekan, «Aliyev shoshilganidan haqiqat va orzuni farqiga bormay qoladi» dedi.
Tog‘li Qorabog‘dagi janglar 27-sentyabrda boshlangandi. Ozarbayjon va Armaniston sulh to‘g‘risida kelishib olishga bir necha bor urinishgan. Ammo har safar tomonlar bir-birini sulh bitimini buzishda ayblab kelishmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter