Oksford ingliz lug‘ati «vaksina» (vax) so‘zini 2021-yil uchun eng ko‘p qo‘llanilgan so‘z sifatida tanladi.

«Vaksina» (vax) – bu 2021-yil uchun biz eng ko‘p qo‘llagan so‘z. Bizning leksikograflarimiz ingliz korpusining ma’lumotlarini o‘rganishni boshlaganlarida, «vaksina» (vax) ayniqsa ajoyib so‘z ekanligi tezda ma’lum bo‘ldi», — deyiladi lug‘at xabarida.

Olimlarning ta’kidlashicha, bu so‘z shu yilga qadar Oksford lug‘atida juda kam uchragan. Joriy yil sentyabr oyiga kelib, bu 2020-yilning shu davriga nisbatan 72 barobar ko‘p qo‘llanilgan.

Oksford lug‘ati 2020-yilda yilning bitta so‘zini yil so‘zi sifatida tanlay olmadi. «Koronavirus» so‘zi va unga hamroh bo‘lgan COVID-19 pandemiyasi, masalan, blokirovka, ijtimoiy masofalanish, furlough (koronavirus inqirozi tufayli ishsiz qolganlarga ish haqini qoplash) va WFH (work from home-uydan ishlash) qisqartmasi eng ko‘p ishlatilgan so‘zlar bo‘lgan.

Dunyo bo‘ylab odamlarning so‘z boyligiga ta’sir qilgan asosiy voqealar ekologik ofatlar, ijtimoiy va siyosiy jarayonlar, shuningdek, koronavirus pandemiyasi bo‘lib qolmoqda.