Lukashenko yana bir muhim lavozimni egalladi
Belarus prezidenti Aleksandr Lukashenko VII Butun Belarus xalq assambleyasi raisi etib saylandi. Bu haqda BelTA xabar bermoqda.
24-aprel kuni Milliy statistika qo‘mitasi raisi Inna Medvedeva Oliy Kengash yig‘ilishida yashirin ovoz berish natijalarini e’lon qildi, uning natijalariga ko‘ra Lukashenko raislik lavozimiga saylandi.
24-aprel kuni davlat rahbari nomzodini ushbu lavozimga Oliy kengash delegati, Belarus Qizil Xoch jamiyati Bosh kotibi Dmitriy Shevtsov taklif qilgani xabar qilingandi.
Butun Belarus Xalq Assambleyasi jamiyat va davlat rivojlanishining strategik yo‘nalishlarini belgilovchi, konstitutsiyaviy tuzum daxlsizligini, avlodlar davomiyligi va fuqarolar totuvligini ta’minlovchi muhim oliy vakillik organi hisoblanadi.
Eslatib o‘tamiz, Lukashenko 1994-yildan buyon mamlakatni uzluksiz boshqarib kelmoqda. Yaqinda u 2025- yilgi saylovlarda ham qatnashishini ma’lum qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter