Kar yo‘lbars 10 kishini yeb qo‘ydi
Hindistonning Uttar-Pradesh shtatida eshitmay qolgan yo‘lbars 10 kishining o‘limiga sababchi bo‘ldi. Bu haqda The Times of India xabar berdi.
Noxush hodisa Pilibhit yo‘lbarslar qo‘riqxonasi hududida yuz bergan.
Qo‘riqxona xodimlari tajovuzkor yirtqichni topib, vaqtincha uxlatib qo‘yishdi. Oxirgi ikki oyda odamxo‘r yo‘lbars mahalliy aholiga kamida 10 marta hujum qilgan, 55 yoshli Kedari La’l uning so‘nggi qurboni.
Uxlatib qo‘yilgan yo‘lbarsni tekshirib, salomatligida jiddiy nuqson topishmadi. Faqat ta’qib qilishganida u ovozlarga parvo qilmasligiga guvoh bo‘lishdi. Avtomobillarning baland tovushi va odamlar yo‘lbarsni qo‘rqitish uchun portlatgan petardalar yo‘lbarsni kar qilib qo‘ygan bo‘lishi mumkin.
Yo‘lbarsni yaxshilab o‘rganish uchun hayvonot bog‘iga jo‘natishdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter