Turkmaniston prezidentligiga da’vogarlarni ro‘yxatga olish kampaniyasi yakunlandi. Umumiy hisobda markaziy saylov komissiyasi 9 nafar nomzodni ro‘yxatga oldi. Bu haqda Turkmenportal ma’lum qildi.

Ulardan 3 nafari siyosiy partiyalar, 6 nafari esa fuqarolarning tashabbuskor guruhi tomonidan ko‘rsatilgan.

Ular orasida: Demokratik partiyadan Bosh vazir o‘rinbosari Serdar Berdimuhamedov, Agrar partiyadan Mariy viloyati ma’muriyati rahbari o‘rinbosari Agadjan Bekmurodov, Sanoatchilar va tadbirkorlar partiyasidan «Vepali Gurlushik» iqtisodiy jamiyati direktori Babamurat Meredov.

Tashabbuskor guruhlardan: moliya-iqtisodiyot o‘rta kasb-hunar bilim yurti direktori Perxat Begendjov, «Avaza» sanatoriysi bosh shifokori Berdimammet Gurbanov, sanitariya bo‘limi boshlig‘i Maksatimirat Ovezgeldiyev, Turkmaniston davlat energetika institutining «Qayta tiklanuvchi energiya manbalari» ilmiy-ishlab chiqarish markazi direktori Kakageldi Sariyev, Dashoguz viloyatidan partiya qo‘mitasi raisi Maksat Odeshov, Turkman davlat jismoniy tarbiya va sport instituti ilmiy-tadqiqot ishlari bo‘yicha prorektori Xidir Nunnayev.

Joriy yilning 12 mart kuni bo‘lib o‘tadigan Turkmaniston prezidenti saylovi bo‘yicha saylov kampaniyasi davom etmoqda.