Hindistonda musson yomg‘irlari oqibatida kamida 50 kishi qurbon bo‘ldi (foto)
Hindistonda kuchli musson yomg‘irlari oqibatida yuzaga kelgan suv toshqinlari so‘nggi uch kun ichida kamida 50 kishining hayotiga zomin bo‘ldi. Bu haqda mamlakat hukumati ma’lumotlariga asoslanib Reuters xabar berdi.
Himoliy tog‘lariga tutash Himachal-Pradesh shtatida jala oqibatida qurbonlar soni 36 kishiga yetgan. Yana bir tog‘li qo‘shni Uttarakhand shtatida davomli yomg‘irlar yuzaga keltirgan toshqinlarda 4 kishi halok bo‘lgan, 13 kishi bedarak yo‘qolgan. Mamlakat sharqidagi Odisha (sobiq Orissa) shtatida esa qurbonlar soni kamida 6 nafarni tashkil etmoqda. Jarkhand shtatining Ramgarx tumani ma’murlari xabariga ko‘ra, 20-avgust kuni Nalkari daryosi o‘zanidan chiqib ketishi oqibatida 5 kishi suvda oqib ketgan.
Odishada suv toshqinlari salkam 800 ming kishining hayotiga ta’sir qildi, minglab odamlar uylarini tashlab chiqishga majbur bo‘lishgan. Jala-yomg‘ir elektr va suv ta’minotini ishdan chiqarib, yo‘llarga katta ziyon yetkazgan. Ushbu shtatda 120 ming kishi xavfsiz hudularga evakuatsiya qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter