Isroil G‘azo sektoridagi quruqlikdagi operatsiyalar ko‘lamini kengaytirayotganini ma’lum qildi.

Falastin-Isroil mojarosining so‘nggi voqealari haqida qisqacha:

• HAMAS vakili Isroilning 5 kun hujumlarni to‘xtatib turishi evaziga asirga olingan xorijliklar ozod qilinishini bildirdi;
• G‘azo sektorida aloqa va internet ishlamay qoldi;
• G‘azo sektori mojaro boshlangan paytdan beri «eng kuchli o‘qqa tutilishi»ni boshidan kechirmoqda;
• Isroil G‘azo sektorini tanklarda ham o‘qqa tutishni boshladi;
• G‘azo sektori tashqi dunyodan butunlay uzilgan, dedi Falastin Qizil Yarim Oy Jamiyati vakili;
• G‘azo sektorida quruqlikdagi operatsiyani kengaytirish qarori garovga olinganlarni ozod qilish bo‘yicha muzokaralar muvaffaqiyatsiz yakunlanganidan keyin qabul qilingani aytildi;
• Qo‘shma Shtatlar Isroilni G‘azodagi to‘liq miqyosdagi quruqlikdagi operatsiyadan voz kechishga ishontirishga harakat qilmoqda, buning o‘rniga ko‘proq «maqsadli» havo hujumlariga e’tibor berishini so‘rayapti;
• HAMAS harakati BMT Bosh Assambleyasi tomonidan Yaqin Sharq bo‘yicha rezolyusiya qabul qilinganini olqishladi, biroq Isroil bu rezolyusiyani rad etib, HAMASni yo‘q qilmoqchiligi bildirdi;
• Isroil harbiy-havo kuchlari G‘azo sektoridagi aholi punktlariga qator hujumlar uyushtirdi. Dastlabki ma’lumotlarga ko‘ra, 100 dan ortiq falastinlik halok bo‘lgan.
• Isroil armiyasi bir kechada G‘azo sektori shimolidagi 150 ta yer osti nishoniga, jumladan tunnellar va boshqa yer osti infratuzilmalariga zarba berganini aytdi.