Rossiya elchixonasi rossiyaliklarni Suriyani tark etishga chaqirdi. 

Diplomatlar «Suriyadagi murakkab harbiy-siyosiy vaziyat tufayli» tijorat reyslaridan foydalanishni va mavjud aeroportlar orqali parvoz qilishni taklif qilmoqda, deb yozadi «TASS».

Suriyada isyonchilarning tez olg‘a siljishi o‘tgan hafta boshlandi. 2016-yildan beri birinchi marta ular Halab shahrini egallab olishdi.

Bir kun oldin Suriya armiyasi yana bir yirik shahar Hamani tark etdi; u ham «Hayat Tahrir ash-Shom» guruhi boshchiligidagi isyonchilar tomonidan bosib olingan edi.

Juma kuni isyonchilar yaqinlashayotgani haqidagi xabarlar ortidan o‘n minglab odamlar mamlakatning uchinchi yirik shahri Homsni tark etayotgani xabar qilingandi. «Hayat Tahrir ash-Shom» yetakchisi Abu Muhammad al-G‘o‘laniy Xoms aholisiga murojaat qilib, «Sizning vaqtingiz keldi», deb aytdi.

Prezident Bashar al-Asadni qo‘llab-quvvatlagan alaviy ozchilik Homsni tark etishga shoshilmoqda, videotasvirlarda yo‘llar mashinalar bilan to‘lganini ko‘rish mumkin. Homsdan keyin isyonchilar Damashqqa yo‘l olishi kutilmoqda.