Ertaga yangi flagman taqdim etiladi — Honor 60 SE
2021-yil oxirida «Honor» eng yangi flagmanlari — Honor 60 va Honor 60 Proni taqdim etgandi. O‘shandayoq bu smartfonlarning arzonroq talqini — Honor 60 SE ham tez orada chiqarilishi haqida xabarlar paydo bo‘lgandi.
Nihoyat, ushbu smartfonga yetolmay yurganlarning orzusi ushalishga yaqin — «Gizmochina» yozishicha, Honor 60 SE taqdimoti ertaga belgilangan. Bu haqda eng ishonchli manba — «Honor China» ijrochi direktori Szyan Xayrong Xarrison o‘zining Weibo-akkauntida ma’lum qildi.
Insayderlarga ko‘ra, direktor Szyan aytgan smartfon — o‘sha uzoq kutilgan Honor 60 SE. Biroq smartfonning nomi aynan qanaqa ekani hozircha noma’lum.
Yangi smartfon «MediaTek» kompaniyasining Dimensity 900 protsessorida ishlashi, 66 Vt tezkor quvvatlash texnologiyasi qo‘llanilishi, xotirasi kamida 8 GB bo‘lishi kutilyapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter