Samsung kompaniyasi hamyonbop yangi 5G-smartfonlari — Galaxy M06 5G va Galaxy M16 5Gni taqdim etdi.

Galaxy M06 5G. Smartfon 6,7 dyuymli LCD-ekranga ega — yangilanish sur’ati 90 Gs, HD+ kenglikdagi tasvirlarga mo‘ljallangan. Protsessori — MediaTek Dimensity 6300, akkumulyatori — 5000 mAs (25 Vt tezkor quvvatlash).

Asosiy kamerasi 50 megapikselli, shuningdek, 2 Mp chuqurlik sensori va 8 Mp selfi-kamera o‘rnatilgan.

Galaxy M16 5G. Bu smartfon oldingisidan Super AMOLED (FullHD+) displeyi bilan farqlanadi, qolaversa, kameralari yanada takomillashgan: asosiy — 50 Mp, ultrakengburchak — 5 Mp, chuqurlik sensori — 2 MP.

Bunda ham Dimensity 6300 protsessori o‘rnatilgan. Har ikki smartfonl Android 15 operatsion tizimida ishlaydi, olti yilgacha xavfsizlik yangilanishlari va olti talqindagi One UI taqdim etilishi va’da qilinmoqda.

Smartfonlar sotuviga birinchi bo‘lib 5-7-mart kunlari Hindistonda start beriladi:

Boshlang‘ich narxlari:

• Galaxy M06 5G — $109
• Galaxy M16 5G — $132