Navbat «Twitter»ga: aksiyalar qiymati 20 foizga pasaydi
«Life.ru» yozishicha, AQSh prezidenti Donald Trampning tanqidi va kompaniya hisoboti natijalari e’lon qilinganidan so‘ng «Twitter» aksiyalari qiymati 20,54 foizga pasaydi. Bundan tashqari, kompaniya ikkinchi chorakda faol foydalanuvchilari soni 0,3 foizga yoki 1 million nafarga kamayganini ma’lum qildi.
Eslatib o‘tamiz, «Twitter» respublikachilar partiyasi taniqli a’zolarining yozishmalarini pinhona bloklab qo‘yayotganini Tramp 26-iyul qattiq tanqid ostiga olgan va bu «biryoqlama va noqonuniy faoliyat»ni o‘rganish niyati borligini bildirgandi.
Xuddi shunday holat «Facebook»da ham kuzatilgandi: 26-iyul kuni kompaniya aksiyalari qiymatsizlanishidan 130 mlrd. dollar, uning xo‘jayini Mark Sukerberg 17 mlrd. dollar yo‘qotganini xabar qilgandik.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter