Koreya universiteti dotsenti TATU talabalariga ingliz va o‘zbek tilida onlayn dars o‘tishni boshladi
Joriy yilning 9-aprel kunidan boshlab Janubiy Koreyaning GACHON universitetining Kompyuter injiniringi bo‘limi dotsenti (PhD) Akmalbek Abdusalomov Cisco WebEx Meetings serveri orqali dars o‘tishni boshladi.
U TATUning dasturiy injiniring va kompyuter injiniringi fakulteti 2-bosqich talabalariga «Dasturiy injiniringga kirish» fani bo‘yicha ingliz va o‘zbek tilida onlayn mashg‘ulotlar olib bormoqda. Bu haqda universitet matbuot xizmati xabar berdi.
–
Talabalarimizga masofadan turib bo‘lsada sifatli hamda eng zamonaviy fanlar bo‘yicha onlayn darslar tashkil etmoqdamiz. Bu borada xorijda faoliyat yuritayotgan hamkasblarimizni ham jalb qilib, talabalarga masofaviy ta’lim berishni maqsad qilganmiz, – deydi dasturiy injiniring fakulteti dekani B.Akbaraliyev.
Mashg‘ulotlar 15 hafta davomida muntazam ravishda payshanba kunlari soat 14:00da bo‘lib o‘tishi belgilangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter