Janubiy Koreyada bankomatlar «urfdan qolmoqda»
Janubiy Koreyada bankomatlar soni tinmay qisqarib boryapti. Bu haqda «Yonhap News» Koreya bankiga asoslanib xabar tarqatdi.
Hozir Koreya Respublikasida jami 121 492 ta, ya’ni 2013-yildagidan 2 744 ta kam bankomat ishlatilyapti.
OAV xabarlariga ko‘ra, buning sababi internet-banking xizmatlari ommalashishi natijasida banklar shoxobchalari sonining qisqarib borayotganidir.
«Bankomat — internet yoki mobil banking nimaligini bilmaydiganlar (bular asosan keksalar va aholining kam ta’minlangan qatlamlari) uchun bank xizmatlari ko‘rsatuvchi qurilma. Bu muammoning yechimini topish choralarini ko‘rishimiz kerak», — deyishmoqda banklar mutaxassislari.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter