Eng yaxshi kamerofon taqdim etilishiga sanoqli kunlar qoldi
Bir necha oy avval Honor yangi smartfonlar turkumi — Honor Magic 4ni Xitoyda taqdim etgandi. Gizmochina yozishicha, canoqli kunlardan so‘ng ushbu smartfon boshqa mamlakatlarda ham sotuvga qo‘yiladi.
Kompaniya e’lon qilgan tizerga ko‘ra, yangilangan turkumning, jumladan, smartfon Pro-versiyasining global taqdimoti 12-may sanasiga belgilangan.
Honor Magic 4 Proning 6,81 dyuymli OLED-displeyi LTPO 2.0 texnologiyasiga mansubligi bois, yangilanish chastotasi 120 Gs gacha yetadi.
Telefonning asosiy kamerasi uch moduldan iborat — 50, 50 va 64 Mp. Frontal kamerasi 12 megapikselli.
Magic 4 Pro smartfoni Snapdragon 8 Gen 1 protsessorida ishlaydi, xotirasi: operativ — 12 GB, ichki — 512 GB.
DxOMark mutaxassislarining fikricha, Honor Magic 4 Ultimate dunyodagi eng yaxshi kamerofon (kamerasi eng yaxshi smartfon) hisoblanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter