Eng puxta smartfonlar aniqlandi (foto, video)
![Eng puxta smartfonlar aniqlandi (foto, video)](https://static.xabaruz.com/crop/4/0/720_460_95_4039505617.jpg)
JerryRigEverything niki ostida tanilgan bloger Zak Nelson o‘z sinovlari asosida eng chidamli smartfonlarni aniqladi. Maxsus rolikni o‘zining YouTube-kanalida joylashtirdi.
Smartfonlarning ta’mirga yaroqliligi va puxtaligini o‘rganishga ixtisoslashgan muallifning aytishicha, AGM H5 — korpusi eng pishiq smartfon. Nelson o‘z testi davomida bu qurilmani qo‘lidagi vositalar yordamida sindira olmadi.
![](https://xabar.uz/static/uploads/58/720__k39-lKw7DyXHuX6abVO3bIPKuPpoxsae.jpg)
Eng mo‘rt korpusli smartfon — osongina ikkiga bo‘lingan Asus ROG Phone 6 Pro bo‘ldi.
![](https://xabar.uz/static/uploads/58/720__nv26kitqDAndrXsbVOi_glC6Ph3V1cKk.jpg)
Eng ta’mirbop smartfon sifatida bloger Google Pixel 7 Pro ni ajratib ko‘rsatdi. Bu qurilmaning ichki qismiga kirish oson, displeyi yechilsa kifoya.
![](https://xabar.uz/static/uploads/58/3Pd6cZpnL4km9hUok6vyj7luxFT1SkzF.png)
Shuningdek, mutaxassis ort qopqog‘i tez ochiluvchi iPhone 14ni ta’mirlash oson qurilma, dedi.
![](https://xabar.uz/static/uploads/58/720__oUQwK2B_jhuj-oqYIKghhJHUJzs7i_M3.jpg)
Eng murakkab tuzilishli qurilmalar — Samsung Galaxy Z Fold 4 hamda Galaxy Z Flip 4. Buklama smartfonlarni ta’mirlash payti sindirib qo‘yish ehtimoli katta, qolaversa ehtiyot qismlari qimmat. Samsung qurilmalarining tashqi displeylari 500 dollar turadi.
![](https://xabar.uz/static/uploads/58/720__-uzxek20OUQMBuFDtTAzv4tWy3DeO4jG.jpg)
Konstruksiya tomonlama eng innovatsion qurilma sifatida bloger murakkab yorug‘lik indikatsiyasi tizimiga ega Nothing Phone 1 ni tilga oldi.
![](https://xabar.uz/static/uploads/58/6dAG7rpOgH7L4IvCC-eNrFlr5PNss8EX.png)
Ichki komponentlari mantiqan eng to‘g‘ri joylashgan qurilma esa — Google Pixel 7 Pro.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter