«O‘zbektelekom» AK «TShTT» filiali tashabbusi bilan yangi aksiyaga qo‘l urilgani haqida avval ham xabar bergandik. Ushbu aksiya doirasida sayyor guruh tuzilib, bir mahalla xonadonlari telefoniya, IPTV va yuqori tezlikdagi internet xizmatlariga bir kun ichida ulanishi ta’minlanadi.

Toshkent tumani shundoqqina poytaxt biqinida joylashgan bo‘lsa-da, aholisi ayrim masalalarda muammolarga duch keladi. Xususan, Alisher Navoiy MFY hududida istiqomat qiluvchi yurtdoshlarimiz zamonaviy aloqa xizmatlariga ehtiyoj sezib kelishgan.

«O‘zbektelekom» yetti yildan buyon mamlakatda IRTV xizmatini ko‘rsatib keladi. IRTV — zamonaviy televideniye standarti bo‘lib, u ko‘rsatuvlarni istalgan vaqtda tomosha qilish, to‘xtatib qo‘yib keyin tomoshani davom ettirish, yozib olish, turli film va seriallarga buyurtmalar berish kabi imkoniyatlar taqdim etadi.