Davlatimiz rahbari askarlar harbiy qasamyod qilishdan oldin albatta O‘zbekiston tarixi va «Temur tuzuklari» fanidan sinov topshirishi kerakligini ta’kidladi. Ilg‘or harbiy qismlarga ulug‘ sarkardalarimizning nomini berish, mohir lashkarboshi bobolarimiz haqida ilmiy tadqiqotlar, badiiy kitoblar, kinolar yaratishga ko‘rsatma berdi.

O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev 20-may kuni Sharqiy harbiy okrugga qarashli harbiy qismlardan biriga tashrif buyurdi.

Muddatli harbiy xizmatchilar ota-onalari, do‘stu qarindoshlari oldida harbiy va Milliy gvardiya qasamyodida bitilgan muqaddas so‘zlarni tilga olib, O‘zbekiston Respublikasi Konstitutsiyasi va qonunlariga sodiqlikka, harbiy nizomlar talablarini, komandirlar va boshliqlarning buyruqlarini so‘zsiz bajarishga tantanali ravishda va’da berishdi.