Vinisius Junior yilning eng yaxshi futbolchisi deb topildi
Braziliyalik Vinisius Junior FIFA tomonidan yilning eng yaxshi futbolchisi deb topildi.
Qatar poytaxti Dohada FIFA The Best mukofotini topshirish marosimi bo‘lib o‘tdi.
Yilning eng yaxshi futbolchisi sovrini uchun 11 nafar futbolchi saralangan. 2023 yil 21 avgustdan 2024 yil 10 avgustgacha bo‘lgan o‘yinlar tahlil qilib chiqildi.
Marosim yakunida FIFA prezidenti Janni Infantino mukofot sohibini elon qildi. Vinisius birinchi marta ushbu mukofotni oldi va shaxsan sahnaga chiqdi, shundan so‘ng u tantanali nutq so‘zladi.
Eslatib o‘tamiz, avvalroq ba’zi OAVlar braziliyalik futbolchini «Oltin to‘p»ning potensial g‘olibi deb atagandi, ammo bu sovrin yakunda Angliyaning «Manchester Siti» klubi futbolchisi, ispaniyalik Rodriga nasib etdi.
Aytana Bonmati FIFA talqiniga ko‘ra yilning eng yaxshi ayol futbolchisi deb topildi. Avvalroq, «Barselona» va Ispaniya terma jamoasi yarim himoyachisi «Oltin to‘p»ni ham olgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter