FIFA kunlari doirasida O‘zbekiston MTJ Kamerun jamoasiga qarshi o‘rtoqlik o‘yinini o‘tkazdi.

Kamerun termasi JCh-2022ga yo‘llanma olgan jamoa sanaladi. Shuning uchun Janubiy Koreyada tashkil etilgan ushbu bahsda jamoa bosh murabbiyi Rigober Song asosiy tarkib futbolchilarini jalb qildi. Bu bahslar Kamerun uchun JCh-2022ning guruh o‘yinlari oldidan so‘nggi sinov uchrashuvlari sanaladi.

Bahsni Srechko Katanets shogirdlari juda tartibli o‘yin bilan boshlashdi.

Pressing va qarshi hujumlar natijasida bahsning 25-daqiqasida Eldor Shomurodovning reydi va aniq uzatmasidan so‘ng Hojimat Erkinov hisobni ochdi.

O‘zbekiston terma jamoasi ikkinchi taymni ham ishonchli tarzda o‘tkazdi. 76-daqiqaga kelib vakillarimiz yana bir gol kiritishdi. Bu safar Oston Urunov gol muallifi bo‘ldi.

O‘zbekiston — Kamerun — 2:0

Gol: Hojimat Erkinov, 25; Oston Urunov, 76.

O‘zbekiston MTJ  navbatdagi uchrashuvini Kosta-Rikaga qarshi o‘tkazadi. Kosta-Rika ham JCh-2022 ishtirokchisi sanaladi.