Bugun va ertaga Yevropa chempionlar ligasi guruh bosqichining 2-tur o‘yinlari bo‘lib o‘tadi. Turning markaziy uchrashuvi sifatida "PSJ" va "Manchester Siti"ni aytish mumkin.

Lionel Messi "Kadis"ga qarshi o‘yinda yengil jarohat olgandi. Keyin esa tizzasidagi jarohat bilan bir necha kun ovora bo‘ldi, orada bir o‘yinga tushmadi.

"Man. Siti" ustozi Gvardiola kecha Messiga qarshi o‘ynashni kutayotganini aytgan. Bugun esa Messi va Marko Veratti "PSJ" qaydnomasiga kiritilgani ma’lum bo‘ldi.

Shuningdek, 2-turning asosiy o‘yinlari ham muxlislar uchun qiziq bo‘lishi tabiiy: "Manchester Yunayted" - "Vilyarreal", "Yuventus" - "Chelsi", "Milan" - "Atletiko", "Real" Madirid va Jasur Yaxshiboyevning "Sherif" jamoasi qarama-qarshiliklari bizni kutmoqda.

YeChL, 2-tur

28 sentyabr

• PSJ (Fransiya) - Manchester Siti (Angliya)
• Leypsig (Germaniya) - Bryugge (Belgiya)
• Portu (Portugaliya) - Liverpul (Angliya)
• Milan (Italiya) - Atletiko (Ispaniya)
• Ayaks (Niderlandiya) - Beshiktosh (Turkiya)
• Borussiya (D, Germaniya) - Sporting (Portugaliya)
• Shaxtyor (Ukraina) - Inter (Italiya)
• Real Madrid (Ispaniya) - Sherif (Moldaviya)

29 sentyabr

• Benfika (Portugaliya) - Barselona (Ispaniya)
• Bavariya (Germaniya) - Dinamo (Kiyev, Ukraina)
• Atalanta (Italiya) - Yang Boyz (Shveysariya)
• Manchester Yunayted (Angliya) - Vilyarreal (Ispaniya)
• Volfsburg (Germaniya) - Sevilya (Ispaniya)
• Zalsburg (Avstriya) - Lill (Fransiya)
• Zenit (Rossiya) - Malme (Shvetsiya)
• Yuventus (Italiya) - Chelsi (Angliya)