May oyiga qadar dzyudo bo‘yicha barcha litsenzion musobaqalar bekor qilindi
Ayni paytda butun dunyoga xavf solib borayotgan koronavirusi sabab ko‘plab xalqaro turnirlar bekor qilinmoqda. Jumladan, may oyiga qadar dzyudo bo‘yicha o‘tkazilishi rejalashtirilgan Gran-pri, Katta dubulg‘a turnirlari ham o‘tkazilmaydigan bo‘ldi.
Bu haqida Xalqaro dzyudo federatsiyasiga asoslanib Milliy olimpiya qo‘mitasi ma’lum qilmoqda. Jumladan, bir necha kundan so‘ng start olishi kerak bo‘lgan Yekaterinburg Katta dubulg‘a turniri ham bekor qilindi. Manbada ma’lum qilinishicha, bunday qarorga kelinishiga sabab, avvalo, sportchilarning sog‘lig‘ini saqlashdir.
Eslatib o‘tamiz, aprel oyida Gruziyaning Tbilisi hamda Turkiyaning Antaliya shaharlarida Gran-pri turnirlari bo‘lib o‘tishi kerak edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter