Jeki Chan Olimpiya mash’alini Buyuk Xitoy devori bo‘ylab olib o‘tdi
Jeki Chan Pekin olimpiadasi mash’alasi estafetasida qatnashdi. Gollivudning 68 yoshli afsonasi Olimp olovini ko‘tarib o‘tgan 30-mash’alachi bo‘ldi.
U Buyuk Xitoy devorining eng gavjum qismi — «Badalin»da mash’alani ko‘tarib o‘tdi.
«Ikkita Olimpiya o‘yinida mash’ala ko‘taruvchi bo‘lganimdan juda g‘ururlanaman va baxtliman. Umuman olganda, bu mening to‘rtinchi Olimpiadam. Shodligimning cheki yo‘q», — o‘z hissiyotlarini Jeki Chan shunday ifodaladi.
Eslatib o‘tamiz, Olimpiya mash’alasiga kecha, 2-fevral kuni Pekinda start berildi. Mash’ala 12 asosiy nuqta bo‘ylab o‘tadi. Ertaga, 4-fevral kuni olov Pekin Olimpiya bog‘iga — XXIV Qishki olimpiya o‘yinlari tantanali ochilish marosimiga yetib boradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter