Fransiya terma jamoasi jahon chempionatining birinchi finalchisiga aylandi.

Dide Desham jamoasi yarim finalda Belgiyani kichik hisobda mag‘lubiyatga uchratdi. Yagona gol 51-daqiqada himoyachi Samyuel Umtiti tomonidan kiritildi.

Fransiya o‘z tarixida uchinchi bor jahon chempionati finaliga chiqdi. 1998-yilda finalda Braziliyani mag‘lub etgan bo‘lsa, 2006-yilda Italiyaga mag‘lub bo‘lgan edi.

Fransiya terma jamoasining JCh-2018 finalidagi raqib kim bo‘lishi bugun ma’lum bo‘ladi Xorvatiya – Angliya uchrashuvi Moskvadagi «Lujniki» stadionida o‘tkaziladi.

Fransiya – Belgiya 1:0 (0:0, 1:0)
Gol: 1:0 – 51 Umtiti.
Fransiya – Loris, Pavar, Varan, Umtiti, Lyuka Ernandes, Kante, Pogba, Mbappe, Grizmann, Matyuidi (Tolisso, 86), Jiru (Nzonzi, 85).
Belgiya – Kurtua, Shadli (Batshuayi, 90), Alderveyreld, Kompani, Vertongen, Vitsel, Dembele (Mertens, 60), de Bryuyne, Fellayni (Ferreyra Karrasko, 80), Azar, Lukaku.
Ogohlantirish: Azar (63), Alderveyreld (71), Kante (87), Mbappe (90), Vertongen (90).