APL 2019/2020: mavsumning eng yaxshi goli aniqlandi (video)
Angliya premer-ligasi mavsum yakunlarini sarhisob qildi, xususan, 2019/20-yilgi mavsumning eng yaxshi golini e’lon qildi.
APLning eng yaxshi goli muallifi janubiy koreyalik legioner Son Xyon Min bo‘ldi.
Ushbu gol 2019-yilning 7-dekabr kuni «Tottenhem» — «Byornli» o‘yinida kiritilgan. O‘z jarima maydonida to‘pni egallab olgan koreys futbolchisi qarama-qarshi jarima maydoni tomon naq 70 metrni juda katta tezlikda yugurib o‘tgan, yo‘l-yo‘lakay kamida to‘rt nafar raqib o‘yinchisini aldashga muvaffaq bo‘lgandi. Uning aniq va kuchli zarbasi darvozabonga hech qanday imkoniyat qoldirmagandi. Bu yurish afsonaviy Diyego Maradonaning 1986-yilgi jahon chempionatidagi mashhur golini ko‘pchilikning yodiga tushirdi.
Eslatib o‘tamiz, o‘tgan mavsumda «Tottenhem» oltinchi o‘rinni egallab, Yevropa ligasiga yo‘llanma oldi. «Liverpul» esa uzoq tanaffusdan so‘ng chempionlikni nishonladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter