Anchelotti «beshlik» rekordini o‘rnatdi
«Real Madrid» Karlo Anchelotti qo‘l ostida Ispaniya chempioniga aylangach, 62 yoshli italiyalik ajoyib rekord qayd etdi — top-5 Yevropa ligalarining barchasida o‘z jamoalarini chempion qilgan murabbiy!
2004-yili Anchelotti bosh murabbiylikdagi ilk «oltin»ini «Milan» bilan qo‘lga kiritgandi.
2010-yilda keyingi g‘alaba — Angliya premer-ligasi, «Chelsi».
2013-yilda «Pari Sen-Jermen»ni Liga 1 (Fransiya)da chempionlikka eltdi.
2017-yilda «Bavariya» bilan Bundesliga g‘olibligini nishonladi.
2022-yilda — «Real» La Liga chempioni.
Anchelottining eng yaqin ta’qibchilari — Xosep Gvardiola va Joze Mourino. Gvardiola Ispaniya, Germaniya va Angliyani, Mourino Italiya, Angliya va Ispaniyani «zabt etgan». Biroq bu ikki mutaxassis top-chempionatlarning barchasida ham ishlamagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter