Yandex televizor chiqardi
Yandex kompaniyasi «Alisa» ovozli yordamchisi o‘rnatilgan birinchi televizorlarini chiqardi. Bu haqda korporatsiya saytida xabar berildi.
Televizorlar 43 va 50 dyuymli ekranga ega turkumdan iborat. Ekran: Direct LED, 4K, 60 gers chastotali. Televizor kompaniyaning o‘z amaliy tizimida ishlaydi.
Televizorni pult, «Yandex.Stansiya» kolonkasi, maxsus ilova yoki «Alisa» ovozli yordamchisi orqali boshqariladi. Ovozli yordamchi bilan muayyan film yoki serialni topish va yoqish, pauzaga qo‘yish, ovozini boshqarish mumkin. Foydalanuvchi televizorni boshqa aqlli qurilmalar bilan ham bog‘lash imkoniyatiga ega.
Yandex vakillariga ko‘ra, televizorning birinchi partiyasi Xitoyda tayyorlangan, keyinchalik ishlab chiqarishni Rossiyaga ko‘chirishmoqchi.
8-noyabrdan sotuvga chiqariladigan televizorlarning narxi 30 ming rubldan boshlanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter