O‘zbekiston bo‘yicha 13-17 noyabr kunlariga ob-havo prognozi taqdim etildi.

Bugun O‘zbekistonning barcha hududlari bo‘yicha havo biroz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Havo harorati 13-18° iliq atrofida bo‘ladi.

Ish haftasi davomida respublika bo‘yicha quruq ob-havo saqlanib turadi. Hafta boshida ba’zi joylarga tuman tushishi mumkin.

Havo harorati kundan-kunga ko‘tarilib, ish haftasining ikkinchi yarmida kunduz kungi havo harorati 21-24° iliqqacha, respublika janubida ba’zi joylarda 25-27° gacha iliq bo‘ladi.

Havo harorati hafta oxiriga kelib, kechasi 7-10° iliqqacha ko‘tariladi.

Bunday harorat foni noyabr oyining o‘rtalari uchun iqlim qiymatlaridan 5-8° yuqori hisoblanadi.

Poytaxtimizda 13-17 noyabr kunlari yog‘ingarchilik kutilmaydi. Shamol sharqdan o‘rtacha bo‘lgan tezlikda esadi.

Bugun kunduzi havo harorati 14-16° iliq, keyinchalik kunduzgi harorat ko‘tarilib, 16-17 noyabrda 21-23° iliq bo‘ladi. Kechasi harorat 5-7° iliqdan, 8-10° iliqqacha asta-sekin ko‘tariladi.