Rossiyaning O‘zbekistondagi elchixonasi turli da’vatlarga ergashmaslikka chaqirdi
Rossiyaning O‘zbekistondagi elchixonasi
Internetda chet el fuqarolari, jumladan, Markaziy Osiyo davlatlaridan kelgan mehnat migrantlarining Rossiya Federatsiyasida harbiy xizmatga majburiy chaqirilishi haqidagi mish-mishlar tarqatilmoqda.
Ushbu xabarlarga Rossiyaning O‘zbekistondagi elchixonasi munosabat bildirdi.
«Bu haqiqatga to‘g‘ri kelmaydi. Rossiya Federatsiyasi IIVning soxta buyrug‘iga tayanib, Rossiyada vaqtincha bo‘lib turgan O‘zbekiston, Tojikiston va Qirg‘iziston fuqarolari qisman safarbar qilinishi, agar shartnoma tuzishdan bosh tortsa, go‘yoki ularning ishlashga ruxsatnomalari bekor qilinishi va deportatsiya qilinishi haqidagi noto‘g‘ri xabarlar tarqatilmoqda.
Rossiya Federatsiyasi hududida bo‘lib turgan O‘zbekiston fuqarolarini turli da’vatlarga ergashmaslikka, faqat rasmiy ma’lumotlarga e’tibor qaratishga chaqiramiz», deyiladi elchixona xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter