Turkiyaning Malatya shahrida 5,3 magnitudali zilzila sodir bo‘ldi
Turkiya sog‘liqni saqlash vaziri Fahrettin Kojaning Twitter’da yozishicha, zilzila oqibatida 23 kishi tan jarohati olgan.
«Malatyada 22 va Adiyamanda 1 kishi, jami 23 nafar fuqaromiz yiqilish yoki balandlikdan sakrash natijasida jarohat oldi», – deya yozgan Fahrettin Koja.
Zilzila oqibatida aholi qo‘rqib ko‘chaga chiqqan. Turkiya tabiiy ofatlarni boshqarish boshqarmasi zilzila 7 km chuqurlikda sodir bo‘lganini ma’lum qildi.
«Hozirda vaziyatni o‘rganish davom etmoqda. Qadimgi tashlandiq bino qulab tushgani va bir necha fuqarolarimiz vahima ichida balkondan sakragani haqida xabar oldik», — deydi Malatya gubernatori.
Odamlarga yordam berish uchun jami 21 ta tez tibbiy yordam mashinasi va 7 ta qutqaruv guruhi safarbar etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter