Toshkentda o‘quvchi maktabning yuqori qavatidan tushib ketdi
Toshkentda o‘quvchi maktabning yuqori qavatidan tushib ketdi. Maktabgacha va maktab ta’limi boshqarmasi mazkur holat yuzasidan xabar berdi.
14-aprel kuni taxminan soat 10:15 larda Bektemir tumanidagi 289-sonli umumta’lim maktabida sodir bo‘lgan.
Katta tanaffus chog‘ida 11-sinf o‘quvchisi S.A. maktabning ichki bino qismi 3-qavati oynasidan tashqariga qaraganida o‘z muvozanatini yo‘qotgan va pastga tushib ketgan.
O‘quvchilar bu haqda maktab ma’muriyatini xabardor qilishgan. Shu zahotiyoq maktab hamshirasi o‘quvchi S.A.ga birinchi tibbiy yordam ko‘rsatgan. So‘ngra tez tibbiy yordam mashinasida shifoxonaga yetkazilgan. Ayni paytda S.A.ning salomatligi yaxshi va jarohat olmagan.
Hozirda holat yuzasidan o‘rganish ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter