Toshkentda «Cobalt» va «Lacetti» to‘qnashuvida haydovchi vafot etdi
Toshkentda «Cobalt» va «Lacetti» avtomobillari to‘qnashuvi natijasida haydovchilardan biri vafot etdi, deya xabar berdi Toshkent shahar IIBB.
Ma’lum qilinishicha, 27-mart kuni soat 15:30 larda Mirzo Ulug‘bek tumanida 43 yoshli D.K. «Cobalt» rusumli avtomashinasi boshqaruvini yo‘qotib, beton to‘siqqa urilgan. Oqibatda mashina qarama-qarshi yo‘nalishga o‘tib ketgan va 30 yoshli S.R. boshqarib ketayotgan «Lacetti» bilan to‘qnashgan.
Hodisa oqibatida «Lacetti» avtomashinasining yo‘lovchilari — 24 yoshli Sh.Sh., 32 yoshli N.K. shuningdek, tanasida turli darajada tan jarohatlari olgan «Cobalt» avtomashinasi haydovchisi kasalxonaga yotqizilgan.
«Lacetti» haydovchisi olgan jarohatlari tufayli voqea joyida vafot etgan.
Ushbu fakt bo‘yicha Jinoyat kodeksining 266-moddasi 2-qismida (transport boshqarish qoidalarini buzish) nazarda tutilgan huquqbuzarlik bo‘yicha jinoyat ishi qo‘zg‘atildi. Hozirda tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter