To‘qayev 8-martdagi konsert va bayramlarni bekor qildi
Qozog‘iston prezidenti Qosim-Jo‘mart To‘qayev dunyoda koronavirus tarqalgani bois xavfsizlik maqsadida 8-martga bag‘ishlangan konsert va bayram tadbirlarini bekor qilish to‘g‘risida qaror qabul qildi. Bu haqda «RIA Novosti» xabar berdi.
«Nursultonda Xalqaro xotin-qizlar kuniga bag‘ishlangan konsert va bayram tadbirlarini bekor qilish to‘g‘risida qaror qabul qilindi. Dunyo bo‘ylab koronavirus tarqalishi bilan bog‘liq vaziyat tufayli, xavfsizlik maqsadida shunday qilindi. Aziz ayollarga baxt, sog‘lik, farovonlik tilayman», — deb yozadi u «Twitter»da.
Sog‘liqni saqlash vazirligi ma’lumotiga ko‘ra, Qozog‘iston hududida ayni vaqtgacha yangi koronavirusni yuqtirish holati qayd etilmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter