«TENAA» telekommukatsiya agentligi Xitoyning «Vivo» kompaniyasiga tegishli hali e’lon qilinmagan «Y71» va «Y71A» smartfonlari haqida ma’lumotga ega bo‘ldi. Agentlik yangi smartfonlarning nafaqat suratlarini, balki uning to‘liq texnik tavsifini ham taqdim etdi, deb xabar berdi «4PDA».

«Vivo Y21A» versiyasi faqatgina Xitoy bozori uchun chiqarilayotgan bo‘lishi mumkin. Umuman olganda ikkala qurilmaning texnik tavsifi mutlaq bir xil. Ularga 1440x720 pikselli (18:9) 5,99 dyuymga ega displey, «Snapdragon 425» protsessori, 3 gigabayt tezkor xotira va 32 gigabayt ichki xotira o‘rnatilgan.

Smartfonning asosiy kamerasi 13 megapikselni, frontal kamerasi esa 5 megapikselni tashkil etadi.

Akkumulyator sig‘imi 3 285 mA/soatga teng. Qurilmalar «Android 8.1 Oreo» operatsion tizimida ishlaydi.

Smartfon o‘lchamlari 155,87 x 75,74 x 7,8 millimetrga teng, og‘irligi — 150 gramm.

«Y71» qora va tillarang korpuslarda sotuvga chiqariladi. Uning narxi taxminan 175 dollarni tashkil etishi kutilmoqda.