Okeanlarda yil sayin plastik chiqindilar miqdori oshib boryapti, dastlabki ma’lumotlarga ko‘ra, «dengiz chiqindisi» qariyb ikki trillion plastik buyumlardan tashkil topgan. Yangi tadqiqotda uning atigi bir qismi — Tinch okeanida suzib yurgan ulkan «plastik dog‘» o‘rganildi, deb xabar berdi Daily Mail.

Tinch okeani shimolidagi ulkan «plastik dog‘» qariyb 1,6 mln kvadrat kilometr maydonni egallagan. O‘zbekiston hududidan 3,5 baravar katta!

Ushbu tadqiqotda olimlar ulkan «plastik dog‘»dan olingan namuna — 570 kilogramm qattiq plastik chiqindini o‘rganishdi.

Chiqindilarning uchdan ikki qismi Xitoy va Yaponiyaga tegishli bo‘lib chiqdi. Boshqa mamlakatlar ham «qarab turgani» yo‘q: chiqindining 10 foizi — Janubiy Koreya, 6,5 foizi — AQSh, 5,6 foizi — Tayvan va 4,7 foizi — Kanadaniki.

Ulkan «plastik dog‘»ga bu chiqindilar qanday kelib qolgan?

Buni ham aniqlashdi: plastiklar quruqlikdan kelmagan, balki baliqchilarning ishi. «Plastik dog‘» asosan baliqchilik anjomlarida ishlatiladigan turli plastik qismlar (qopqonlar, suv yuzida qalqib turuvchi moslamalar va hokazolar) yig‘ilmasi bo‘lib chiqdi.