Xitoyda kuchli yomg‘ir o‘nlab insonlarning o‘limiga sabab bo‘ldi
Sinxua agentligining xabariga ko‘ra, Xitoy janubi-g‘arbida Sichuan provinsiyasida kuchli yomg‘ir yog‘ishi natijasida 12 kishi halok bo‘ldi, yana 10 kishi bedarak ketdi.
Ma’lumotlarga ko‘ra, juma-shanba kunlari Myannin okrugini qamrab olgan sharros yomg‘ir Ixay shahrida suv toshqinini keltirib chiqargan. Buning oqibatida 10 kishi vafot etdi, yetti kishi bedarak ketdi.
Gaoyan tumanida toshqin tufayli yo‘llarning shikastlanishi natijasida ikkita avtomobil daryoga qulashi oqibatida ikki kishi halok bo‘ldi, yana uch kishi bedarak ketdi.
Tabiiy ofat yuz bergan hududda qariyb 10 ming kishi qolmoqda, jami 7700 mahalliy aholi evakuatsiya qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter