Shavkat Mirziyoyev Sindzo Abe yaqinlariga ta’ziya bildirdi
O‘zbekiston Prezidenti Shavkat Mirziyoyev Yaponiyaning sobiq Bosh vaziri Sindzo Abe suiqasd natijasida bevaqt vafot etgani munosabati bilan Yaponiya Imperatori Naruxito va Bosh vaziri Fumio Kisidaga hamdardlik yo‘lladi.
Ta’ziyanomalarda janob Abening strategik dasturlari va innovatsion tashabbuslari Yaponiyaning barqaror rivojlanishiga, mamlakatning xalqaro munosabatlar va jahon iqtisodiyoti tizimidagi rolini yanada kuchaytirishga xizmat qilgani qayd etilgan.
Yirik davlat arbobining O‘zbekiston va Yaponiya o‘rtasidagi ko‘p qirrali munosabatlarni rivojlantirish, strategik sheriklik aloqalarini izchil va samarali kengaytirish borasidagi shaxsiy xizmatlari doimo yuksak qadrlanishi ta’kidlangan.
Shuningdek, davlatimiz rahbari marhumning rafiqasi va barcha yaqinlariga chuqur hamdardlik izhor etgan.
Eslatib o‘tamiz, bugun Yaponiyaning sobiq bosh vaziri Sindzo Abe suiqasd natijasida 67 yoshida vafot etdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter