«Sevilya» sport direktori Kuman va Messidan kechirim so‘radi
Ramon Monchi.
«Sevilya» sport direktori Ramon Monchi «Barselona» bosh murabbiyi Ronald Kuman hamda forvardi Lionel Messidan kechirim so‘radi, yozmoqda «Mundo Deportivo».
Monchi Ispaniya kubogi 1/2 finali javob uchrashuvida o‘zi «noluvchi» deb atagan Kumandan hamda Messidan ham kechirim so‘radi. Murabbiy va hujumchi uning kechirimini qabul qilishgan.
1/2 final javob o‘yinida «Barselona» «Sevilya»ni mag‘lub etganidan so‘ng (3:0, birinchi o‘yin — 0:2) tribuna osti yo‘lagida Messi Monchi hamda «Sevilya» prezidenti Pepe Kastro bilan janjallashib qolgandi.
Kiyim almashtirish xonasiga yo‘l olgan rahbarlar Messini: «Sizlar doim bir xilda yutasizlar», deya qarshi olib, hakamlar kataloniyalarga yon bosishganiga shama qilishgan. Messi esa ularga: «Siz uyingizga qaytasiz», deb javob qaytargandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter