Samarqandda Inson huquqlari bo‘yicha Osiyo forumi boshlandi
Bugun 22-noyabr kuni Samarqand shahrida inson huquqlari umumjahon deklaratsiyasi qabul qilinganining 70 yilligiga bag‘ishlangan Inson huquqlari bo‘yicha Osiyo forumi boshlandi.
Mazkur forum avvalida BMT bosh kotibi Antonio Guterrishning videomurojaatini tinglangan.
Ushbu forumda shuningdek, MDH ijroiya qo‘mitasi rahbari Sergey Lebedev, O‘zbekiston Inson huquqlari markazi direktori Akmal Saidov, Oliy Majlis senati raisi Nig‘matilla Yo‘ldoshev, Yevropada xavfsizlik va hamkorlik tashkilotining demokratik institutlar va inson huquqlari bo‘yicha byurosi direktori Ingibyorg Solrun Gisladottir, BMT bosh kotibining maxsus vakili Markaziy Osiyo uchun preventiv diplomatiya bo‘yicha BMTning mintaqaviy markaz direktori Natalya Germanlar qatnashmoqda.
Avvalroq, ushbu forumga bag‘ishlangan brifing bo‘lib o‘tgani xabar qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter