Rossiyada salkam 3 tonna nosvoy qo‘lga tushdi
Politsiya xodimlari Kaliningrad viloyatida nosvoy noqonuniy savdosiga qarshi amaliyot chog‘ida 192 quti, jami 2,8 tonnadan ko‘proq nosvoy moddasini musodara qildi, deb xabar berdi TASS.
Rossiya IIV rasmiy vakili Irina Volkning so‘zlariga ko‘ra, Markaziy Osiyo respublikalaridan birining fuqarosi Moskvadagi tanishlari orqali nosning yirik partiyasiga buyurtma bergan. So‘ngra yuk Sankt-Peterburgga, u yerdan parom vositasida Kaliningradga yetkazilgan. Buyurtmachi nosni oziq-ovqat bozorlarida ko‘tarasiga va chakanasiga pullashni rejalashtirgan. Hozirda u ushlangan.
Politsiyada erkakka nisbatan ma’muriy huquqbuzarlik bo‘yicha protokol tuzilgan. Unga qo‘yilayotgan ayblov moddasi sanksiyasida 15 mingdan 20 ming rublgacha ma’muriy jarimaga tortish ko‘zda tutilgan, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter