Ronaldu gollari soni bo‘yicha Peledan o‘tib ketdi
Italiya chempionati (A Seriya)ning 15-turida «Yuventus» o‘z maydonida «Udineze»ni yirik hisobda mag‘lub etdi — 4:1. Shu o‘yinda dublga erishgan Krishtianu Ronaldu jami urilgan gollari soni bo‘yicha afsonaviy Peledan o‘tib ketdi.
«Udineze» bilan o‘yindan so‘ng portugaliyalik yulduzning jami gollari soni 758 taga yetdi — bu gollar «Sporting», «Manchester Yunayted», «Real», «Yuventus» hamda Portugaliya terma jamoasida o‘tkazilgan 1032 ta o‘yinda kiritilgan.
Pele 812 ta rasmiy o‘yinda 757 ta gol kiritgan.
Gol kiritish bo‘yicha mutlaq rekord chex futbolchisi Yozef Bitsanga tegishli — 759 ta gol. Demak, yana ikkita gol ursa bas — Ronaldu peshqadamga aylanadi.
Eslatib o‘tamiz, 2020-yilning dekabr oyida «Barselona» futbolchisi Lionel Messi bir klub safida gol urish bo‘yicha Pelening rekordni yangilagandi. Futbol qiroli Messini ushbu natija bilan tabriklagan, biroq «Santos» (Pele to‘p surgan klub) argentinalikning yutug‘ini tan olmagandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter