Konsert berish uchun AQShga bormoqchi bo‘lgan Rayhon G‘aniyevaga viza berilmadi
O‘zbek shou-biznesi yulduzlaridan biri Rayhon G‘aniyeva viza berilmagani uchun AQShning Nyu-York shahrida o‘tkazilishi rejalashtirilgan konsert dasturida ishtirok eta olmaydi. Xonanda bu haqda «Instagram»dagi sahifasida ma’lum qildi.
«Afsuski, menga viza berishni rad etishgani uchun 12-maydagi konsertda ishtirok etolmayman. 2009-yilda Amerikada bo‘lganimda bizdan vatandoshlarimiz uchun kuylab berishimizni iltimos qilishgandi. Biz faqat mehnat vizasi bilangina qo‘shiq kuylash mumkinligini bilmagandik. O‘shanda pul olmasdan kuylaganmiz. O‘zimiznikilarni, yaqinlarimizni xursand qilmoqchi edik. Afsuski buni huquqbuzarlik deb hisoblashdi va bu viza berishni rad etish uchun sabab bo‘ldi. Shohruhxon va Ziyodaga omad va muvaffaqiyatlar tilayman», — deb yozadi Rayhon Instagramdagi sahifasida.
Eslatib o‘tamiz, «Uzbek Stars» deb nomlangan konsert dasturi 12-may kuni bo‘lib o‘tadi. Dasturda Shohruhxon va Ziyoda chiqish qilishi rejalashtirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter