Qarshida «Lacetti» yonib ketdi
Bugun Qarshi shahridagi markaziy ko‘chalarning birida «Lacetti» rusumli avtomashina yonib ketgan. Qashqadaryo viloyat favqulodda vaziyatlar boshqarmasi holat yuzasidan ma’lumot berdi.
Ma’lum bo‘lishicha, bugun taxminan soat 20:33 larda Qarshi shahar Favqulodda vaziyatlar bo‘limiga Qarshi shahar Mustaqillik ko‘chasida avtomobilda yong‘in sodir bo‘layotganligi to‘g‘risidagi xabar kelib tushgan.
Xabarga ko‘ra, voqea joyiga Qarshi shahar favqulodda vaziyatlar bo‘limidan 1 ta bo‘linma soat 20:35 da yetib borib, soat taxminan 20:41 lar atrofida yong‘inni to‘liq o‘chirgan.
Yong‘in oqibatida «Lacetti» rusumli avtomobil zarar ko‘rgan. Moddiy zarari aniqlanmoqda. Yong‘in natijasida hech kim tan jarohati olmaganligi ma’lum bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter