Putin va Medvedev qayerda? Rasmiy javob berildi
Rossiya prezidenti Vladimir Putin ayni damda Kremlda ishlamoqda.
Bu haqda uning matbuot kotibi Dmitriy Peskovga tayanib, davlatga qarashli RIA «Novosti» agentligi xabar bermoqda.
Shuningdek, Xavfsizlik kengashi raisi o‘rinbosari Dmitriy Medvedev Moskvani tark etgani haqidagi xabarlar ham rad etildi.
Rossiya OAVlariga ko‘ra, poytaxt Moskvaga kirish yo‘llarini harbiylar egallagan, ular xavfsizlik choralarini ko‘rmoqda. Prigojin kuchlari esa Moskvadan 4-5 soatlik yo‘ldagi Lipetskka yetib kelgani haqida ma’lumotlar mavjud.
Eslatib o‘tamiz, 24-iyun kuni «Vagner» harbiy shirkati kuchlari Yevgeniy Prigojinning bayonotlaridan keyin Rostov-Donga kirdi.
Rossiyada og‘ir siyosiy vaziyat yuzaga keldi. Putin videomurojaat yo‘llab, Prigojinning harakatlarini «xiyonat» deb atadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter