Putin Rossiya-Misr o‘yiniga bormaydi
Rossiya prezidenti Vladimir Putin Rossiya – Misr o‘yinini jonli efirda tomosha qila olmaydi. Bu haqda «Gazeta.ru» xabar bermoqda.
«Ertaga Vladimir Putin Minskda bo‘ladi. U o‘yinni jonli tomosha qila olmasligi mumkin. Lekin u har qanday sharoitda ham o‘yin haqida xabardor bo‘lib turadi, hisobni kuzatib borishga qiziqadi», – degan Rossiya prezidentining matbuot kotibi Dmitriy Peskov.
Shuningdek, Peskovning aytishicha, Putin chempionat o‘yinini tomosha qilishga bormaydi.
«Hozircha bunday reja yo‘q, jadvalda ko‘rsatilmagan», – degan matbuot kotibi.
Rossiya – Misr o‘yini 19-iyun kuni «Sankt-Peterburg» stadionida bo‘lib o‘tadi.
Avvalroq Viktoriya Lopiryova (sport telekanali boshlovchisi) Putindan Rossiya terma jamoasini qo‘llab-quvvatlash uchun stadionga kelishini so‘ragan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter