Android qurilmalar uchun Xabar.uz mobil ilovasi. Yuklab olish ×

Prezident: «Hokimlar bitiruvchilar bilan shaxsan uchrashsin»

Prezident: «Hokimlar bitiruvchilar bilan shaxsan uchrashsin»

Bugun bo‘lib o‘tgan yig‘ilishda Shavkat Mirziyoyev barcha hokimlarga bitiruvchilar bilan shaxsan uchrashishni topshirgan.

«O‘quv yili deyarli yakunlandi. Oldimizda 404 ming nafar o‘rta ta’lim, 151 ming nafar kasb-hunar ta’lim, 125 ming nafar oliygoh bitiruvchilari, jami 680 ming nafar yoshlarning bandligini ta’minlash bo‘yicha muhim vazifa turibdi», degan prezident.

Shu maqsadda barcha hokimlar:

  • bitiruvchilar bilan shaxsan uchrashadi;
  • ijtimoiy tarmoqlar va OAV orqali uchrashuvlarning aniq vaqti, joyi va telefonlarini e’lon qiladi;
  • uchrashuvlarda rektorlar, yirik ish beruvchilar, korxona va klasterlar, mutasaddi idoralar rahbarlari ham ishtirok etadi;
  • bitiruvchilarning ishga ehtiyoji, qiziqishi va ko‘nikmalarini o‘rganib, ularning balansini shakllantiradi;
  • ish beruvchilarning ehtiyojidan kelib chiqib, monomarkazlarda kasbga tayyorlashni tashkil etadi.

Bu ishlarni amalga oshirish uchun joylarda doimiy ishlaydigan shtablar tuzilishi, ular ijtimoiy tarmoqlar orqali yoshlar va ularning ota-onasi bilan tizimli muloqotni yo‘lga qo‘yishi, kelib tushadigan har bir murojaat tezkor ko‘rib chiqilishi shartligi belgilangan.

Yig‘ilish yakunida mutasaddilar axborot bergani aytilgan.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring