Burundi prezidenti Per Nkurunziza vafot etdi
Afrikaning Burundi mamlakati prezidenti Per Nkurunziza 55 yoshida vafot etdi. Mazkur mamlakat hukumati xabariga ko‘ra, o‘tgan shanba kuni prezident shifoxonaga yotqizilgan, ammo dushanba kuni ahvoli yanada og‘irlashgan. Uning vafotiga yurak xuruji sabab bo‘lgani aytilmoqda.
Nkurunziza 2005-yildan beri mamlakatni boshqarib kelayotgandi. 2015-yilgi prezidentlik saylovlari arafasida davlat to‘ntarishi uyushtirishga urinish bo‘lgandi. Isyonchi generallar hibsga olinib, saylov yakunlariga ko‘ra, Nkurunziza uchinchi muddatga prezident bo‘lgandi.
Nkurunzizaning amaldagi muddati 2020-yilning avgustigacha edi. Uning o‘rniga 20-may kuni bo‘lib o‘tgan saylovda g‘olib chiqqan Evarist Ndayishimiye prezidentlikni qabul qilishi kerak edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter