Parkentda «Nexia-1» portladi. Portlashdan «Damas»larga ham zarar yetdi
Bugun, 9 iyun kuni soat 09:55 da Toshkent viloyati Parkent tumani «Qayilma» MFY, A.Navoiy shox ko‘chasida joylashgan avtomobillarga gaz quyish shohobchalarining birida «Nexia-1» rusumli avtomashinaga gaz quyish vaqtida unga o‘rnatilgan gaz ballonda yorilish hodisasi ro‘y bergan.
Natijada «Nexia-1» avtomobili va uning yaqinida bo‘lgan 2 ta «Damas» rusumli avtomashinalarga turli darajada zarar yetgan.
Zudlik bilan voqea joyiga FVV qutqaruvchilari va tegishli tashkilot vakillari yetib borgan. Vaziyat oqibatlari bartaraf etilmoqda.
Hodisa oqibatida tan jarohati olgan va halok bo‘lganlar yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter