Oktyabr oyi o‘rtalarida  EastFruit  O‘zbekistonda pomidor ulgurji narxlari o‘sib borayotgani haqida yozgandi va tahlilchilar bashorat qilganidek, ushbu mahsulotlarning narxi o‘sishda davom etmoqda. Bir haftalik tanaffusdan so‘ng pomidorning ulgurji narxi yana ko‘tarildi. So‘nggi bir hafta ichida pushti pomidor 50% ga, qizil dumaloq pomidor esa 43% ga oshdi.

Ma’lumotlarga ko‘ra, 2023-yil 20-oktyabrdan 27-oktyabrgacha O‘zbekistonda pushti pomidorning o‘rtacha ulgurji narxi 12 000 so‘mdan 18 000 so‘mgacha (0,98 dollardan 1,47 dollargacha) oshgan. Ushbu mahsulotlarning ulgurji narxlarida o‘sib borayotgan tendensiya oktyabr oyining boshidan beri davom etayotganini hisobga olsak, bir oy ichida pushti pomidorning o‘rtacha ulgurji narxi 7000 dan 18000 so‘m/kg gacha (0,57 dollardan 1,47 dollargacha), ya’ni 2,6 baravar oshgan.

Grafikdan ko‘rinib turibdiki, so‘nggi uch oy ichida ushbu mahsulotlarning o‘rtacha ulgurji narxi o‘tgan yilgi darajadan birinchi marta 6%ga oshdi.

So‘nggi bir hafta ichida qizil dumaloq pomidorning ulgurji narxi ham ko‘tarildi – o‘rtacha ulgurji narxi 7000 dan 10000 so‘m/kg gacha (0,57 dollardan 0,82 dollargacha).

Joriy yilning iyul oyining uchinchi o‘n kunligidan oktyabr oyining birinchi o‘n kunligigacha qizil dumaloq pomidorning ulgurji narxi o‘tgan yilgi darajadan 17 foizga pastligi kuzatilmoqda.