Android qurilmalar uchun Xabar.uz mobil ilovasi. Yuklab olish ×

Obro‘li institut o‘qituvchisi pastkash ishga qo‘l urdi

Obro‘li institut o‘qituvchisi pastkash ishga qo‘l urdi

Foto: Tergov departamenti

2021-yilning 2-aprel kuni Samarqand shahri bo‘yicha IIO FMB ga fuqaro 21 yoshli Sitora A. ariza bilan murojaat qiladi.

U o‘z murojaatida obro‘li institutlardan birida o‘qituvchi bo‘lib ishlovchi tanishi 27 yoshli V. F. unga tegishli sir saqlanishi lozim bo‘lgan fotosuratlarini internet ijtimoiy tarmoqlariga tarqatib yubormasligi evaziga undan 400 AQSh dollari pullarni talab qilayotganligini bildirgan.

Sitora A.ning ushbu arizasiga asosan o‘tkazilgan tezkor tadbir jarayonida, shu kuni soat 13:00 da V. F. Samarqand shahri Qo‘shhovuz mahallasi hududida 400 AQSh dollari pullarni tovlamachilik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan Samarqand shahri bo‘yicha IIO FMB huzuridagi Tergov bo‘limi tomonidan V. F. ga nisbatan O‘zbekiston Respublikasi Jinoyat kodeksining 165-moddasi 1-qismi (Tovlamachilik) bilan jinoyat ishi qo‘zg‘atilib, gumon qilinuvchi tariqasida jalb qilingan.

Hozirda tergov harakatlari olib borilmoqda. 

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring