Gidrometeorologiya xizmati tezkor axborot e’lon qildi.

Unda aytilishicha, joriy yilning 25-27-sentyabr kunlari O‘zbekiston hududiga Volga bo‘yi hududlaridan salqin va biroz nam havo kirib keladi.

25-sentyabrda Qoraqalpog‘iston Respublikasi va Xorazm viloyatida, 26-27-sentyabr kunlari respublika bo‘yicha ba’zi joylarda shamol 15-20 m/s gacha kuchayishi, ayrim joylarda chang-to‘zonlar kuzatilishi kutilmoqda.

25-26-sentyabrda Qoraqalpog‘iston Respublikasida, 27-sentyabrda Surxondaryo viloyatida va Farg‘ona vodiysi viloyatlarida ba’zi joylarda shamolning kuchayishi 21-23 m/s ga yetishi mumkin.

25-sentyabrda Qoraqalpog‘iston Respublikasida, Xorazm viloyatida, 26-sentyabrda Qoraqalpog‘iston Respublikasida, Xorazm, Buxoro, Navoiy viloyatlarida, 27-sentyabrda respublikaning tog‘ oldi va tog‘li hududlarida ba’zi joylarda yomg‘ir yog‘adi, momaqaldiroq bo‘lishi mumkin. Baland tog‘larda (2500 m dan yuqorida) yomg‘ir qorga aylanishi mumkin.

26-sentyabrda shimolda, 27-sentyabrda respublikaning barcha hududlarida havo harorati kechalari 10-13° gacha, kunduz kunlari 22-25° gacha pasayadi.

Avvalroq dam olish kunlari uchun ob-havo ma’lumoti berilgandi.